എന്തിനാണ് കുട ...........?
മഴ നനയാതിരിക്കാനോ ..?വെയിലേല്‍ക്കാതിരിക്കാനോ ..?
അതോ സ്വയം മുഖം മറക്കാനോ ...?
അന്തിവെയിലിന്റെ ചെന്തീനാളം
മുഖത്തു തട്ടുമ്പോള്‍
ഞാനെന്റെ കുട മറക്കുന്നു
എങ്കിലും സായാഹ്ന നേരത്തെ
ഇളം തെന്നലില്‍ പോലും നീ കുട മറക്കുന്നില്ല
എന്നില്‍ നിന്നും ഒരു കുടയില്‍ മറഞ്ഞ്
എത്ര ദൂരം .......?
കവിതയുടെ കാണാക്കയങ്ങളിലേക്ക് ഊളിയിട്ട്
ഇന്ന് ഞാനും ഒരു കുടയില്‍ മറയുന്നു
പരസ്പരം ഒരു കുടക്കീഴില്‍ കഴിയുവനാകാതെ
രണ്ടു കുടകള്‍ നാം ഇരുവരും തേടുന്നു
കൊടുങ്കാറ്റിലും മഴയിലും നിന്റെ കുട ഇളകാതിരിക്കട്ടെ
നീ മഴ നനയാതിരിക്കട്ടെ
കൊടും താപത്തില്‍ നീ വാടാതിരിക്കട്ടെ
ഇതെന്റെ പ്രാര്‍ത്ഥന മാത്രം
കുടയാല്‍ മറയ്ക്കാന്‍ മനസില്ലയെങ്കിലും
ഇന്ന് ഞാനും തേടുന്നു ഒരു കുട
എന്നെ മറയ്ക്കാന്‍ നിന്നില്‍ നിന്നകലാന്‍
No comments:
Post a Comment