ഓര്‍മയിലെ കാപ്പിപ്പൂക്കള്‍
അങ്ങു ദൂരെയാണ് .......എന്റെ നാട്ടില്‍...അവിടെ കാപ്പി പൂത്ത മണം എന്നിലേക്കെത്തുന്നു.അത് എന്റെ ബാല്യകാലം പോലെ സുഖമുള്ള ഓരോര്‍മയാണ്.
കാപ്പി പൂത്ത പുലര്‍കാലങ്ങള്‍ എന്നെ വിളിച്ചുണര്‍ത്തുമ്പോള്‍ ഞാന്‍ അറിയാതെ ഉണര്‍ന്നു പോകും .ആ സുഗന്ധം ആവോളം നുകരും.കാപ്പി തോട്ടത്തിലൂടെ എത്ര നടന്നാലും മതിവരില്ല.
ആ പൂക്കളില്‍ തേനുണ്ണാന്‍ തേന്‍ വണ്ടുകളും പൊ ന്നീച്ചകളും ഉറുമ്പുകളും കൂട്ടമായെത്തും.അവയോട് എനിക്ക് സ്നേഹമായിരുന്നു.ഒരിക്കലും കാപ്പി പൂക്കള്‍ ഞാന്‍ ഇറുത്തിട്ടില്ല.അവയെ കാണാനായിരുന്നു എനിക്കിഷ്ടം ...ആ സുഗന്ധം നുകരാനും .ഇന്ന് ഞാന്‍ ഏറെ അകലെയാണ്.സ്വന്തമെന്നു കരുതിയ സുഖങ്ങളെല്ലാം ഇന്ന് ദൂരെയാണ്.
പുതിയ ലോകത്തിന്റെ തിരക്കുകളില്‍ ഞാന്‍ എന്റെ പഴയ ലോകത്തെ ബോധപൂര്‍വം മറക്കുന്നു.എങ്കിലും ആ കാപ്പിപ്പൂക്കള്‍ പോലെ അവ എന്നില്‍ സുഗന്ധം പരത്തുന്നു.
No comments:
Post a Comment