കണ്ണീര്‍ ശലഭങ്ങള്‍ (കവിത)

                                                കണ്ണീര്‍ ശലഭങ്ങള്‍...........

                  നീ എന്റെ വരികള്‍ക്കിടയില്‍ തിരഞ്ഞു നോക്കൂ ...

                                                                            നിനക്കെന്നെ കാണാം ....

                  നീ അതിന്റെ ആഴങ്ങളിലേക്ക് നോക്കൂ ...

                                                                            നിനക്ക് നിന്നെ കാണാം.....

                 നിന്നിലൂടെ ഞാന്‍ കണ്ട കിനാക്കളെ കാണാം... 

                 എന്റെ മോഹങ്ങള്‍ക്കിടയില്‍  വീണുയിര്‍ വെന്ത

                                                               എന്റെ സ്വപ്നങ്ങളെ കാണാം....

                  അവയുടെ ചിതയില്‍ നിന്നുയര്‍ന്ന  

                                                              കണ്ണീര്‍ ശലഭങ്ങളെ കാണാം....

               നീ പറയണമെന്ന് ഞാന്‍ കൊതിച്ച വാക്കുകള്‍ കേള്‍ക്കാം  

                ഒരു നിമിഷം നീ അതിനു ചെവിയോര്‍ക്കുമെങ്കില്‍

                നിന്റെയുള്ളില്‍ നിനക്കെന്നെ കാണാം ....

തിരിച്ചറിവ് ( കവിത )

                                                              തിരിച്ചറിവ്   

                  കാലങ്ങള്‍ക്കപ്പുറത്തെങ്ങോ        കൈവിട്ട  മോഹത്തിന്

                  തിരിച്ചറിവിന്റെ നേരുണ്ടായിരുന്നു

                  ഇന്ന്  മോഹിക്കുന്നതും  ആ  തിരിച്ചറിവില്‍ത്തന്നെ 

                  കൈവിടുകയാണ്‌ ഞാന്‍ 

                  ഹൃദയം പിടയുന്ന  നോവിലും

                  അറിയാതെയെങ്കിലും മോഹിക്കുന്നൊരുമാത്ര   ഞാന്‍ 

                 എന്റെ മോഹങ്ങള്‍ സത്യമായെങ്കില്‍    

നീയും ഞാനും ( കവിത )

                                                  നീയും ഞാനും ......

                  ഏകാന്തമായ എന്റെ സ്വപ്നങ്ങളില്‍ 

                                                               നീയുണ്ടായിരുന്നു.....

                       പണ്ടേ തന്നെ  ......

                നിന്നെ കണ്ട മാത്രയില്‍ തന്നെ ഞാനത് തിരിച്ചറിഞ്ഞതുമാണ്

                എന്നിട്ടും  ഞാന്‍ നിന്നെ അറിഞ്ഞില്ലെന്നു നടിച്ചു 

                                                                                           നീ എന്നെയും ....

                    കഴിഞ്ഞ ഏതോ ജന്മത്ത് യമുനാ തീരത്ത്

                   നമ്മള്‍ ചേര്‍ന്ന് വരച്ചിട്ട പ്രണയ ചിത്രങ്ങള്‍ 

                            ഇന്നും ഇടനെഞ്ചില്‍ തുടി കൊട്ടുന്നു 

                          ഹൃദയ രാഗത്തിന്റെ മധുരം ചാലിച്ച 

                  സുവര്‍ണ്ണ നിമിഷങ്ങള്‍ ഒരിക്കല്‍ക്കൂടി 

                    ഇതാ പുനര്‍ജ്ജനിക്കുന്നു

                  നിന്റെ മിഴികളില്‍ പ്രണയത്തിന്റെ

                                                         തിളക്കം ഞാന്‍ കണ്ടു

                  അവ എന്റെ മിഴികളിലേക്കും

                  പടര്‍ന്നു തുടങ്ങിയിരിക്കുന്നു

                 ആകാശത്തെ നക്ഷത്രങ്ങള്‍ക്ക്   

               ഇന്ന് പഴയതിനേക്കാള്‍ തെളിച്ചമാണ്  

               പൂവുകള്‍ക്ക് ഇന്നലത്തെക്കാള്‍ സുഗന്ധവും

                പുല്‍ക്കൊടിക്കുപോലും പറയാനാവാത്ത സൗന്ദര്യം

                   ഇതാണോ പ്രണയം ...?

             അതെ ഇതുതന്നെയാണ് പ്രണയം

              എന്നിലെ എന്നെ ഞാന്‍ കണ്ടെത്തിയത്

                                                   നിന്നിലൂടെയാണ്

             അടുത്ത് നില്‍ക്കുമ്പോള്‍ അറിയാതെ അകലുമെങ്കിലും

              ഞാന്‍  എന്നും നിന്റെ അരികത്തുണ്ട്

            ഒരു മധുര പ്രണയത്തിന്റെ മന്ത്രവുമായി 

                   നിന്നെ എന്നെന്നും എന്നിലേക്ക്
            ചേര്‍ത്തുവച്ചു കൊണ്ട് 

പ്രിയ സുഹൃത്തേ .......

                                             പ്രിയ സുഹൃത്തേ .......

                    പറഞ്ഞു തീരാത്ത വിശേഷങ്ങളും 

                    എഴുതിതീരാത്ത അക്ഷരങ്ങളും 

                    നെയ്തു തീര്‍ക്കാത്ത സ്വപ്നങ്ങളും ബാക്കിയാക്കി 

                   ഈ ഭൂമിയില്‍ നിന്നും ഞാന്‍ യാത്രയാവുമ്പോള്‍ 

                    വരും ജന്മങ്ങളില്‍ ഓര്‍മ്മിച്ചെടുക്കാന്‍ 

                    പ്രിയ സുഹൃത്തേ നിന്നെക്കുറിച്ചുള്ള 

                    ഓര്‍മ്മകള്‍ എന്നില്‍ അവശേഷിക്കട്ടെ ......

മോഹങ്ങള്‍ (കവിത )

  മോഹങ്ങള്‍ (കവിത )

നഷ്ടമാണെങ്കിലും മോഹിക്കുവാന്‍ ഏറെ ഇഷ്ടമാണെനിക്ക് മോഹമരുതെന്നോതിയാലും വെറുതെ മോഹിക്കുകയാണിന്നും

അരികിലാണെങ്കിലും പ്രിയാ നീ ഒരുപാടകലെയാണ് ......

എന്റെ കൈകള്‍ക്ക് തൊടാനാവാത്തത്ര അകലെ  

എന്റെ സ്വപ്നങ്ങള്‍ക്ക് കടന്നു വരാന്‍കഴിയാത്തത്ര അകലെ ...

പിന്നെയും ഞാന്‍ മോഹിക്കുന്നതെന്തിന്...?

വെറുതെയെങ്കിലും ചോദിക്കാം ...

മറുപടി ഒന്നുമാത്രം ...

നിന്നെ സ്വന്തമാക്കിയില്ലെങ്കിലും വെറുതെ ഞാന്‍ മോഹിച്ചോട്ടേ...

നീയെന്റെ സ്വന്തമെന്ന്...............

നിരാശ (കവിത )

                                                             നിരാശ .......

            "നിന്റെ അധരങ്ങളില്‍  നിരാശയുടെ ചുവപ്പാണെ"ന്ന്‍

                                                           ആരോ പറഞ്ഞപ്പോഴാണ് 

             ഞാനും അത് ശ്രദ്ധിച്ചത് ...

              അധരങ്ങളില്‍ മാത്രമല്ല എന്റെ 

                                                                ഹൃദയം പോലും 

            നിരാശയുടെ ചുടു രക്തത്താല്‍ ചുവന്നു പോയിരിക്കുന്നു 

              ഹൃദയത്തിന്റെ വേദന മിഴികള്‍ 

        

          ഏറ്റു വാങ്ങിയത് കൊണ്ടാകാം 

            അവക്കും ഒരു വല്ലാത്ത ചുവപ്പ് നിറം 

             മിഴി നീരൊഴുകിയ കവിളുകളും 

              വേദനയാല്‍ ചുവന്നിരിക്കുന്നു 

         എന്റെ ഹൃദയത്തിന്റെ നൊമ്പരം കാണാതെ നീ 

            മറഞ്ഞു നിന്ന് പുഞ്ചിരിക്കുന്നു 

          വിഡ്ഢിയായ എന്നെ വീണ്ടും വീണ്ടും  വിഡ്ഢി   വേഷം കെട്ടിച്ച 

               മൂക സംതൃപ്തിയോടെ 

നിഴലായ് ......... ( കവിത)

                                                   നിഴലായ് ........  

                      എന്റെ ഏകാന്തതയില്‍ ഒരു കുളിര്‍ കാറ്റു പോലെ 

                       നീയുണ്ടെങ്കില്‍പ്പിന്നെ എന്തിനാണ് സുഹൃത്തെ 

                                                                     എനിക്കു ദു:ഖം ...

                     നിന്റെ മിഴിയുടെ വാചാലതയില്‍ ഞാനെന്റെ ഏകാന്തതയെ 

                                                                   കുഴിച്ചു മൂടാം ....

                    നിന്റെ ചിരിയുടെ തിളക്കത്തില്‍  ഞാനെന്റെ 

                    ഹൃദയാന്തരത്തിലെ ഇരുളില്‍ നിന്നുണരാം

                     പിന്നെ നീ പറയുന്ന പാതയില്‍ നിന്റെ നിഴലായ്

                                                                    നടക്കാം ....

                       അറിയാത്ത അകലങ്ങളിലേക്ക് നിന്റെ വഴി 

                                                               പിന്തുടരാം.....